Affirmation 體驗分享~

前幾日識到嗰有抑鬱症嘅小妹妹,佢亦都認同自己對自己一向都好 Harsh (嚴厲) 。佢有Thoughts 同 The Voice 嘅慨念,但好多時都仍然係會被佢地搞到自己好辛苦。所以我就見意佢試下用 Affirmation (自我肯定)嘅方法去令到自己愛自己多啲。亦都想同大家分享下自己嘅體驗:

前一、兩年經過種種經歷、體驗同探索之後,先知道自己原來完全唔識得愛自己,甚至係响內心深處 (潛意識入面) ,根本就覺得自己唔會得人鍾意,就算理性知道唔係事實都好。所以至演伸至內心有好多過去不明嘅恐懼,甚至抑鬱。於是我決定試下其中一種改寫潛意識嘅方法,Affirmation 。

我句 Affirmation 係 “I’m lovable” (我值得愛/我好得人鍾意)。每日自言自語5分鐘,為持咗兩個月左右。過程係………… 有時覺好開心、有時覺得好無聊、有時覺得好痛苦。痛苦嘅感覺開頭特別多,因為 “I’m lovable” 呢句同我細細個一直刻咗入潛意識裏面嗰句 “冇人鍾意你吖~冇人要你吖~” 對抗得太犀利。有好幾次直情係一邊講,一邊喊唔停。

雖然我冇堅持做 Affirmation 做到自己完全冇質疑 “I’m lovable” 呢句嗰日為止,不過的確已經幫咗我唔少。而且向我繼續要學點樣去愛自己嘅旅程上面打好咗一個一定程度嘅根基。自我包容同自我體諒能力亦大大提升。再加上我自己 keep 住都有做唔同嘅 Mindset training (思維鍛煉),唔單只抑鬱再搞我唔到,連正能量同面對挑戰嘅勇氣都大大提升。

雖然我冇再定時定候做 Affirmation。不過我已經習慣咗每次响鏡度見到自己嘅時候,都會對住自己開心嘅微笑,甚至同自己講 “我好愛你,無論點我都一樣咁愛你~”。係真心、由心度講出黎,無論我生咗幾粒暗瘡、定勁大個黑眼圈、定啲頭髮亂到成個傻婆咁都好。因為我知道,要有正面磁場,愛自己係一個唔少得嘅元素。

其實我地生活上面有好多大大小小嘅問題都係源於唔夠愛自己。希望每一個人都可以搵到適合自己嘅方法,去真真正正咁每日愛自己多啲~

Leave a Reply

Your email address will not be published. Required fields are marked *