Category Archives: Brilliance Ideas

身體力行 表達嘅……愛~

當我地用時間,身體力行咁為對方做一啲嘢,對方會感覺到好被愛嘅話,呢種就係 The 5 Love Languages 裏面嘅最後一種語言,Acts of service (幫忙協助)。對小朋友嘅話,為佢地做嘢同服侍佢地,响小朋友出世嗰日開始,每位家長都已經開始做梗。因為如果我地唔幫佢地做一啲佢地做唔到嘅嘢嘅時候,佢地係會生存唔到落去。响嬰兒期餵佢地食嘢就係其中一個最明顯嘅例子。 Continue reading 身體力行 表達嘅……愛~

禮物背後嘅……愛~

今次到 The 5 Love Languages 裏面嘅第四種語言,Gifts (禮物) 。禮物唔一定要係貴,重點係背後嗰份心意。心意可以話係份禮物嘅靈魂。禮物嘅意義係 “佢諗起我,所以佢帶咗呢樣嘢畀我”。Primary Love Lauguage (主要情感語言) 係 Gifts 嘅人,可以記得邊份禮物、邊個、响邊日送畀佢地。 Continue reading 禮物背後嘅……愛~

有愛…… 嘅時間~

講完 The 5 Love Language (愛嘅5種語言) 嘅 Physical Touch (身體接觸) 同 Words of Affirmation (肯定字句) 之後,今次到 Quality Time (優質時間) 嘞。Quality Time 係指冇干擾嘅情況之下,同對方嘅相處時間。即係唔係睇梗電視、唔係聽梗收音機、唔係做梗家務、唔係攞住梗個電話,而係 Single Tasking 咁同對方做一啲嘢,尤其係佢地鍾意做嘅嘢。當你畀梗你生命裏面呢一刻、呢一秒嘅 100% 時間對方嘅時候,就係佢地足分感受到我地嘅愛嘅時候。 Continue reading 有愛…… 嘅時間~

嚴父+慈父=幸福小寶貝

曾經有個小朋友因為腸胃問題入院,大慨係因為病因不明,所以佢爸爸搵咗著名嘅家庭專家 Gary Chapman ( The 5 Love Languages 嘅作者) 黎睇下佢。Gary 問個小朋友:「你同你爸爸嘅關係點咖?」小朋友答:「我從來冇令到佢滿意過~」。Gary 識得佢爸爸,亦好明白佢爸爸嘅用意都只不過係想教個小朋友樣樣嘢都要做得更好,做到最好。但小朋友收到嘅信息係 “爸爸唔滿意”、”冇一次滿意”。導致心靈嘅傷害大到直接影響健康。 Continue reading 嚴父+慈父=幸福小寶貝

用語言傳達愛嘅 3 種方式~

上次講完 5 Love Languages (5種愛嘅語言) 嘅慨念,同裏面嘅 Physical Touch (身體接觸) 之後,今次就到 Words of Affirmation (肯定字句)。咁究竟 Words of Affirmation 係乜黎嘅呢?

Words of Affirmation 有兩種傳達方式,口述同手寫。無論對方係聽到定睇到都有同樣效果。Dr. Chapman 將 “肯定字句” 嘅內容分為3類: Words of Affection (關注字句)、Words of Encouragement (鼓勵字句) 同 Words of Praise (稱讚字句): Continue reading 用語言傳達愛嘅 3 種方式~

愛,原來可以 事半功…百倍~

呢個世界裏面充滿住冇限嘅愛,响唔同嘅關係裏面都係一樣~ 好可惜好多發出同付出嘅愛,對方就算理性上分析到,內心其實都係感受唔到,相方嘅關係就因為咁而慢慢變成惡性循環嘅開始。點解會係咁?有乜方法可以令對方完全接收到我地想表達嘅愛?不如睇下The 5 Love Languages (5種情感語言) 可以點樣幫到我地。

The 5 Love Languages 係 Dr. Gary Chapman 由20 – 30年嘅婚姻輔導經驗裏面發現出黎,坊間已經有唔少嘅分享。所以我地不如睇睇 The 5 Love Languages 可以點樣應用响親子關係度吖~

5 Love Languages 包括:

1) Physical Touch (身體接觸)
2) Words of Affirmation (肯定字句)
3) Quality Time (優質時間)
4) Gifts (禮物)
5) Acts of Service (幫忙協助)

Continue reading 愛,原來可以 事半功…百倍~

震騰騰…… 可以變成超興奮?

有冇試過好驚好緊張嘛?心跳加速?呼吸加快?手心濕晒?兼手都震埋?點樣叫自己放鬆同冷靜都冇用?之前提過嘅Power Pose又覺得好騎呢做唔出?仲有另外一個方法可以試下喎~

當我地緊張、甚至驚嘅時候,我地身體嘅各種反應都處於 High Arousal (高激勵) 嘅狀態。如果要冷靜落黎嘅話,就即係要由 High Arousal 嘅狀態變成 Low Arousal (低激勵) 嘅狀態。要响有壓力嘅環境裏面 短時間做到真係一啲都唔易,所以做唔到的確係好正常。 Continue reading 震騰騰…… 可以變成超興奮?

心魔……變朋友~

本身係癌症研究中心嘅研究員嘅Jonathan Bricker知道,要真正幫到食煙同癡肥人仕解決健康危機,就係幫佢地點樣去面對內心嘅心魔。

如果我地想戒煙或者戒口,一般嘅輔導方法都係叫我地唔好諗,同搵其他嘢令到自己分心。但好多時當我地越叫自己唔好諗,就越係係咁諗。換句話講,我地越係想逃離自己嘅心魔,心魔就越勁、越有Power (力量)。所以大部分食煙同想減肥嘅人都戒唔到心癮,其實真係一啲都唔奇~ Continue reading 心魔……變朋友~