聽心有法~

溝通專家有分析指出,其實响溝通裏面,只有10%係用口講嘅字眼去表達,30%係靠我地嘅聲調,其餘60%係身邊語言。換句話講,我地有9成嘅時間都係口講一句,心裏面其實係另外一個諗法~

不如睇下Stephan R. Covey本The 7 habits of highly effective people裏面抽出黎嘅例子:

autobiographic listening

 

*紫色係仔仔口講嗰句;藍色係仔仔真正想表達嘅意思;綠色係爸爸講嘅嘢。

如果你想對方講出心嗰句,就先要令對方感覺有空間感同被了解。再睇睇以下嘅對話:

Empathic listening 1

只係講出你觀察到嘅情緒同對話背後想表達嘅真正意思,唔加任何自己嘅意見或者睇法,係可以令到對方有真正被聆聽嘅感覺。有時更加可以啟發對方思考自己真正想表達嘅嘢係乜。

再睇睇以下呢句:

Empathic listening 2

相信好多人都會即時好邏輯性咁分析應唔應該唔話畀媽咪知,甚至諗講乜可以教個小朋友要坦白。而其實以上嘅諗法唔多唔少都有想控制小朋友嘅思想嘅元素。小朋友其實係會感覺得到而唔敢打開個心講出真正想講嘅嘢~

又再睇下爸爸嘅答法:

Empathic listening 3

再一次重複對方嘅意思,好多時會有意外收穫。書裏面亦都有講到,只有小朋友開口問我地 ”我應該點做吖?” 之類嘅嘢嘅時候,先係最適合講出我地自己嘅睇法去引導佢嘅時候。最精彩嘅係當我地想講自己意見之前,可以再講多一句 ”我的確諗到啲你可以考慮嘅提議”。等小朋友有興趣追問落去,然後先再講,咁小朋友對我地提出嘅意見嘅抗拒程度就會大大減少。令小朋友感覺有被了解同選擇嘅空間,佢地先有完全感,將自己嘅內心慢慢打開。如果發現小朋友有少少抗拒嘅成份,就返番去用心聆聽嘅角色,再一次只會重複佢想表達嘅意思,直至到佢地再想聽我地嘅意見為止。

呢個聆聽方法唔只可以用响小朋友度,對所有人都有效~ The 7 habits of highly effective people 嘅中文版叫《高效人士的七個習慣》/《與成功有約》。係一本有極高學習價值嘅書,裏面亦都用咗好多作者同小朋友相處嘅真實例子去解釋佢想帶出嘅重點。對家長嘅參考價值可以話係非常高~ 願每位家長日日都可以聽到佢地嘅寶貝心聲~

資料來源:The 7 habits of highly effective people – Stephan R. Covey

3 thoughts on “聽心有法~”

Leave a Reply

Your email address will not be published. Required fields are marked *