成功可以好輕鬆:4%嘅威力~

超鍾意呢個4% concept/理論。不過响講呢個偉大嘅理論之前,要先了解下乜嘢叫做 Flow (流暢) 狀態。

Flow 係一種高度集中而且投入嘅狀況。感覺潛能充份發揮,但又冇乜好吃力嘅感覺。响Flow裏面會覺得時間好似瞬間飛逝,係一個好enjoy (享受) 嘅過程。係一個 Chanllage (難度挑戰) 同 Skill (技能) 嘅完美平衡境界。

要掌握到呢個境界,關鍵就係4%。呢4%係指難度提升4%,即係……少少。哈哈哈~~ 少嘅程度係响我地啱啱離開咗我地嘅 Comfort Zone (舒適領域),開始覺得有一定嘅挑戰性,但又唔會有太大壓力。响嗰個狀態,我地唔單止可以提升到自我技能,仲可以超級享受當中嘅過程,係一種真實嘅Feel Good (感覺良好) 。點解咁真實?因為科學已經有研究指出,响 Flow 嘅狀態裏面,我地腦部係會釋放一種令到我地 Feel Good 嘅 Chemical (化學物質) ………… 咁真實。

覺得4%太少? 唔好睇少呢4%。有數據顯示,Flow 比一般艱苦訓練嘅成效快2至5倍。因為當我地 Feel Good嘅時候,腦部可以掌握同接受新技能嘅能力會提升好多,同快好多。而好多運動員都係用呢種方法訓練出極限。(所以令到小朋友响學習過程 Feel Good,對佢地嘅學習成果黎講可以話係事半功倍。)  仲有個好消息係,我地宜家覺得 Impossible (冇可能) 嘅嘢,經過長年累月嘅4%挑戰之後,Impossible 都會變成”易過借火”。

如果我地諗深一層,成功其實都只不過會帶到畀我地一剎那間嘅興奮同快樂嘅感覺。如果係因為想有滿足感,想 Feel Good 嘅話,享受埋邁向成功嘅過程,享受埋每分每秒嘅 Feeling Good 唔係更正咩? 曾經有過啲乜夢想係覺得 Impossible 咖?不如試下攞番出黎再慢慢挑戰下吖~

希望我地每個人都可以 enjoy 生命嘅每一分, 每一秒。

資料來源:The rise of superman – Steve Kotler
Thank you very much Steve and Brian. Here is a link~

One thought on “成功可以好輕鬆:4%嘅威力~”

Leave a Reply

Your email address will not be published. Required fields are marked *