不屈不撓嘅秘密~

Carol Dweck發現樂於克服難題嘅小朋友有一種獨特嘅思維模式,佢稱之為Growth Mindset (成長思維),Growth Mindset 嘅人好清楚知道 才能係可以培養出黎。

Growth Mindset 嘅小朋友同一般小朋友最大嘅分別係,當佢地面對難題同失敗嘅時候,佢地唔會覺得自己冇用或者蠢。相反,佢地會覺得興𡚒,覺得好玩,覺得有挑戰性。換句話講,佢地唔怕失敗,甚至覺得失敗係一件有趣嘅事。佢地大個之後亦多數係財政能力比較強嘅人。

而一般小朋友嘅思維模式叫Fixed  Mindset (定型思維),Fixed Mindset 嘅人相信人嘅基本質素,智慧同才能都係定型嘅,天生嘅。難題同失敗對於佢地黎講只係一啲証明自己無能、一啲証明自己係個失敗者嘅嘢。日積月累,逃避問題就變成慣性。

好消息係,Growth Mindset係有得灌輸嘅~ Carol 有好多成功例子。佢畀小朋友知道我地嘅腦部神經細胞之關嘅聯繫係,係會响我地面對同解決問題嘅時候變得更強更堅固。換句話講,即係更聰明。(佢地有真正嘅研究同IQ指數數據證實真有其事)。再加上鼓勵嘗試同教佢地點樣克服難關,經過灌輸Growth Mindset嘅小朋友嘅學習表現都有非常明顯嘅改進,例子係數以千計。甚至倫敦市表現最差嘅小朋友,經過灌輸Growth Mindset之後,幾年入竟然可以變成市內最頂級嘅學生。

Carol 亦都有研究指出,家長响小朋友頭嗰3年嘅教法,可以推測佢地之後5年响學習方面嘅障礙有幾多。點樣會導致小朋友有Fixed Mindset?因數有:

聽到叻嘅人被稱為天生嘅天才 -
如果天才係天生,咁即係代表努力係冇用 ( Carol亦有提到唔同人的確先天有唔同嘅特質,但要成為天才,有堅持同克服障礙嘅能力先至係關鍵);

畀人讚佢地聰明 -
會開始避免做一啲會令人覺得佢地唔聰明嘅嘢,包括任何有機會導致失敗嘅考驗;

佢地失敗或者做錯嘢嘅時候身邊嘅人嘅負面反應 -
如果錯誤對佢地黎講係一樣唔好嘅嘢,甚至係可怕嘅事,要佢地樂於嘗試的確有唔少嘅難度;

只睇當前嘅結果/成績 -
如果佢地覺得呢一刻嘅結果就代表佢地嘅能力,咁就同持續進步嘅觀念啱啱相反;

被人攞黎同其他人比 -
比較其實同放大當前結果分別唔大。

可以做嘅嘢有:

令佢地愛上學習 - 帶出學習嘅趣味。想像力、圖畫同顏色都可以幫到佢地 (生動記憶法入腦筆記);
令佢地愛上挑戰 - 鼓勵嘗試,讚揚嘗試過程嘅努力,集中力同堅持;
令佢地愛上挫折 - 當遇到挫折嘅時候,帶出正面同輕鬆嘅心態。鼓勵尋找唔同嘅解決方法;
令佢地感受到進步嘅喜悅 - 欣賞同嘉許細微嘅進步,因為任何滿足感都會係冇限動力嘅來源;

多用”暫時”呢兩個字 - 例如:我做唔到呢條數吖. . . . . . 暫時~

希望每個人都可以享受人生裏面嘅每一點滴,包括挑戰難關嘅過程~

Thank you very much Carol Dweck~ And thank you very much of Brian Johnson, Tom Bilyeu, Talks at Google and TED Talk, here is one of the links~

3 thoughts on “不屈不撓嘅秘密~”

Leave a Reply

Your email address will not be published. Required fields are marked *