我地嘅一生,係屬於邊個咖?

~~~~~~~~~~~~~~~~~~~~~~~~~~~~~

其實自古至今,中國文化流傳落黎嘅智慧真係多不勝數。單單一句「活到老學到老」背後嘅大智慧,足以令人改變一生。

🌎  西方有一種學問叫Personal Development(個人發展)。透過搵到自己嘅價值同人生目標,再加上唔同嘅技巧去創造自己想要嘅人生。達至一個Actualized、Optimized嘅境界,一個滿足、開心同擁有自我力量嘅境界。要做到嘅話可以話好簡單,不過亦都唔可以話唔難。因為…………一切由內心開始。

📚  响呢度會從心理嘅角度同大家分享我地腦裏面嘅思想世界可以點樣改變我地嘅一生。亦會分享好多唔同嘅學術研究背後,帶畀我一啲容易同直接嘅方法去幫助我地達到我地想要嘅成果同境界。亦都會從心理嘅角度去解拆我地自古至今遺留落黎嘅大智慧,背後有幾真、有幾深。

🔊  呢個網頁會以廣東話為主要語言。只係因為覺得身為一個香港人,應該要先識得欣賞自己嘅本土文化。亦希望可以帶畀香港嘅朋友多少少親切感。冇任何種族歧視成份。而呢個網頁日後亦有機會增添唔同嘅語言,希望更多世界各地嘅朋友都可以分享得到。

🏆  我地想擁有點樣嘅人生,一切都可以由自己話事。需要嘅只係嘗試嘅勇氣同堅定嘅決心。只要我地願意學,願意練習,開心美滿嘅人生隨時可以擁有。一個全新嘅世界,我地每個人內心深處嘅世界,一個表面可怕,但内裏有趣嘅世界,將會有機會响我地眼前出現。我地需要踏出嘅第一小步………準備好未吖?

Hello My Mind 嘅目的只係希望每個人都可以因為知多少少唔同嘅知識,而可以更容易咁去明白自己多啲,明白呢個世界多啲。繼而搵到適合自己嘅種種方法,令每日都過得豐盛啲,過得開心啲。

How our minds and thoughts work and how to be balance and happier in life with love