响科學嘅角度,「凡人煩人」係真有其事?點解嘅?

跟據臨床心理學嘅ACT(Acceptance&Commitment Therapy)嘅解說,人腦加上語言係令到我地擁有超強解决問題能力嘅主要原因, 但係呢種能力嘅背後帶畀人類嘅副作用就係絕大部分人會花一生嘅時間去解決或逃避嘅”副產品”。

副產品一:煩惱【解決問題嘅能力 ➡️不停尋找問題或不足 ➡️永遠解決唔完嘅煩惱】

副產品二:不安【遠離困境 ➡️尋找任何可以引致困境嘅可能性 ➡️無休止嘅恐懼與不安】

以上嘅副產品就好似人體裹面嘅癌細胞一樣,有你嘅一日,就有佢地嘅一日。呢個亦都係「凡人煩人」嘅主要原因。你冇癌症唔代表你冇癌細胞,而你未算有心理問題唔代表無憂無愁。你認為預防勝於治療嘛?

👀【副產品體驗】:你可以試下搵個冇人騷擾嘅地方(一個冇人會話你騎呢嘅地方),坐响度合埋眼10分鐘乜都唔諗,你最多都只可以留意自己嘅呼吸(不過唔好瞓著喎)。如果你冇長期受過類似嘅腦部訓練而你又對自己夠坦白嘅話,你就會知道你D副產品有幾冤魂不散~點解?因為人腦同語言本身就係各種各樣副產品嘅天堂…………

💪【腦部訓練】:其實方間仲有好多唔同而又好有效嘅腦部訓練方法令到我地可以逃離「凡人煩人」嘅定局~打坐/冥想(Meditation)同靜觀(Mindfulness) 對提高自我意識同自我思想觀察力有極大嘅幫助,從而可以察覺到副產品產生嘅經過,繼而可以摟轉局面,唔再被佢地支配你嘅一生。而感恩(Gratitude) 係最普遍嘅腦部訓練法去減慢,甚至減少副產品嘅生產過程。,遲D我會續一再同大家詳細分享~

Leave a Reply

Your email address will not be published. Required fields are marked *