情感語言 體驗~

The 5 Love Languages (5 種情感語言) 暫時幫咗我最多嘅,就係我同我最細個細佬嘅關係。我地本身關係都唔差,經常都有講有笑。不過可能因為年紀相差太多,佢心裏面嗰句,真係冇乜點聽過。而宜家只係經過八個幾月裏面唔夠廿次嘅用心相處,我超錫嘅佢,開始願意主動同我分享佢內心嘅私人世界。就算中間有個比較大嘅誤會同矛盾發生咗,都仍然可以將我地嘅關係推到去另一境界。最開心嘅係,第一次可以聽到佢講 “我很愛我的姐姐~”。當時真係感動到差啲忍唔住喊咗出黎。

如果問我係唔係全靠不停咁講細佬嘅 Primary Love Language (主要情感語言) 就出到咁嘅效果,我會話唔係。不過察覺到佢啲 Primary Love Language 真係幫咗我唔少,亦都可以話係我地關係突飛猛進嘅關鍵之一。我嘅做法係,大大力咁講細佬嘅 Primary Love Language 同 Secondary Love Language (次等情感語言),再輕輕講埋其他 Love Languages,加埋慢慢應用自己學過嘅溝通同聆聽技巧黎同佢相處。令我第一次睇到、感覺到,愛嘅威力有幾大。

而且,當我知道咗自己嘅 Primary Love Language 之後,靠引導我 care (關心) 嘅人對我講自己嘅 Primary Love Language, 心靈上慢慢可以感受到佢地更多嘅愛,從而令到自己更加開心,同有更多嘅動力去做應該做嘅事,同更愛、更珍惜身邊嘅人。再加上當我個 Emotional Love Tank (情感愛池)滿嘅時候,我發覺我感受到其他 4 種 Love Languages 背後嘅愛嘅能力都大咗好多。理性分析到嘅愛,同心靈實際感受到嘅愛,真係天淵之別。Primary Love Language 可以話係產生到快樂嘅 Compound Effect (复合效應)。

世界上每一個人 (無論大人定小朋友) 都好需要愛同關心,希望 The 5 Love Languages 可以幫到更多嘅人感受到更多嘅愛~

Leave a Reply

Your email address will not be published. Required fields are marked *