你愛自己嘛?

內心有啲乜,眼裏面就只有啲乜………………一切由愛自己開始~

你愛自己嘛?如果愛,又有幾愛?你愛自己嘅一切嘛?包括好同唔好?包括過去嘅你,呢一刻嘅你,同將來啲你嘛?

愛自己會變得自大、自戀,甚至自私嘛?結果啱啱相反。而且,你識得愛自己,你嘅一言一語、一舉一動所發出黎嘅訊息先可以教識身邊嘅人點樣去愛你。

💋【包容自己嘅一切】:响呢一刻,你心裏面有幾多嘢係討厭自己、接受唔到自己咖?你希望世界上有人可以包容你嘅所有嘛?包括你覺得好同唔好嘅嘢?你知道如果你自己都做唔到,你只會影響到身體嘅人都做唔到嘛?。呢種係潛意識嘅影響力~ 咁你…………願意愛自己多啲嘛?

☑️ 你願意接受自己唔係一個完美嘅人,願意唔再繼續放大自己嘅缺點嘛?
☑️ 你願意明白自己只係一個普通人,願意原諒同接受自己過去所做過嘅一切嘛?
☑️ 你願意了解自己只係一個不停學習嘅人,有做得唔夠好嘅事,願意真正體諒自己,然後下次再盡力過嘛?
☑️ 你願意欣賞自己嘅獨特性,願意唔去再將自己同其他人比嘛?
☑️ 你願意發掘同欣賞自己更多嘅優點嘛?(你有欣賞自己嘅習慣嘛?

☑️ 你願意感激自己嘅成長過程同背後負出嘅努力嘛?

愛自己嘅一切就等於冇改進空間嘛? (答案係相反)


💖【改寫潛意識,由心愛起】:你發覺對於新事物,理性同感性好多時都唔咪好同步嘛?除咗練習理性咁去愛自己之外,仲有一個方法可以令到你由心而發咁去愛自己。

Personal Development境有一種改寫自己潛意識嘅方法, 叫做Affirmation (自我肯定)。建議好有恆心去做,如果唔係效果未必會好明顯。因為最少要連續做兩至三個月先見效,事乎你對自我嘅負面意識有幾深。但係當你嘅潛意識一被改寫成功,所有嘢就會變到好似順水推舟咁容易。因為我地九成嘅行為都係由潛意識所驅使~

💪🏻〖Affirmation練習〗

時間:每日5分鐘,連續兩至三個月
環境:冇其他嘢影響之下
用具:鏡、計時器
過程:用計時器倒數5分鐘。對住筷鏡不停咁同自己講「我愛你嘅一切」,或者「我愛你嘅所有」,講出口可以寫入潛意識寫得深啲。 直至計時器響起。
潛意識排斥情況:講唔出口、腦裹面呈現一大堆你唔應該愛自己嘅原因、等等⋯⋯
(所有排斥情況都係好正常。你只要集中精神繼續對住自己講就得可以。)
更好效果: 帶少少微笑,用心、真心去講。

5 thoughts on “你愛自己嘛?”

    1. 其實愛自己嘅所有、包容自己嘅一切,嚴格上黎講係改寫自己一生嘅開始,一個快樂人生嘅開始。雖然人生裏面唔會完全冇痛苦,但當你學識真真正正去愛自己嘅時候,苦~已經唔會再係以前嘅苦,快樂~更加可以更盡情咁去感受。一切~由自己開始。(真實嘅例子再盡快同大家分享~)

Leave a Reply

Your email address will not be published. Required fields are marked *