5啖沙糖1啖屎~

Dr. John Gottman 到宜家已經有42年嘅時間,專注研究感情關係裏面嘅主要成功元素。佢所有嘅工作都唔係單憑經驗,而係憑數據。佢可以向自己個研究室裏面,單靠觀察一對情侶/夫婦嘅短時間相處,就可以知道佢地可唔可以過到人世。準確率高達91%以上。秘密係………5啖沙糖1啖屎~

原名叫The magic ratio 5:1 (魔法比例)。5係positive interactions (正面互動),1係negative interactions (負面互動)。正面互動包括:接納、關懷、欣賞、情趣、真心聆聽等等。而負面互動包括:爭議、忽略、埋怨、攻擊、鄙視等。如果一對情侶嘅正、負面互動比例同5:1越貼近,佢地可以繼續响埋一齊嘅機會就越大。

有趣嘅係,Dr. Gottman 嘅Balance Theory (平衡理論) 指出,負面互動係必需嘅。因為佢係可以令到一段關係繼續健康發展嘅一個主要元素。負面互動係一個好好嘅機會畀相方改善現有唔work(有效) ,或者唔再work嘅互動模式。更可以畀相方知道,同了解,對方唔同嘅睇法。最重要係要知道負面互動最終係應該帶出一啲有助關係繼續健康發展啲元素,而唔係產生一啲令相方距離越遠,隔膜越深嘅感覺或者回憶。

如果想容易啲記得5:1呢個比例,不如聽下我哥哥嘅比喻吖。佢話:” 咁即係星期一激嬲佢,星期二至六畀佢甜足5日,星期日就可以有得放人(自己去玩)嘞~ ” ………Hahahahaha~~~~~記住呢個只係一個比喻。意思係如果你畀咗1啖屎對方食,記得要畀番5啖糖佢吖。至於點樣揀合適嘅糖?遲啲再同大家分享 ^.~

其實兩夫妻嘅感情關係好唔好,同小朋友可唔可以有健康嘅心理成長,背後有極大嘅關係。而且對佢地將來嘅感情生活亦都有我地想像唔到嘅極大影響。希望每對戀人都可以有甜甜蜜蜜嘅每一日~~

Thank you very much Dr. John Gottman. Here is the link~~

The Positive Perspective: Dr. Gottman’s Magic Ratio!

Leave a Reply

Your email address will not be published. Required fields are marked *