愛自己會變得自大、自戀,甚至自私嘛?

太愛自己會變得自大、自戀嘛?

其實啱啱相反。一般人地口中嘅自大同自戀都係一啲响社交環境裏面令人覺得唔舒服,甚至討厭嘅行為。嗰啲其實都係內心自卑嘅反射行為。而真正愛自己同欣賞自己嘅人,除咗會自然流露一份吸引嘅自信之外,包容能力亦會相對大得多。因為佢地唔再需要籍住其他人嘅反應而決定自己係咪一個值得被愛嘅人。自然負面情緒都會大大減少。

愛自己會變得自私嘛?

响心理學嘅角度黎講,因為我地所有嘅基因入面都有生存模擬,所以我地每個人其實天生都係自私嘅。如果我地諗深一層,世界上大部分嘅愛都唔係無條件嘅愛,唔係無條件嘅愛就已經係自私嘅愛。相反,如果你識得真真正正去愛自己、無條件去愛自己,你內心先會識得,同有足夠嘅愛去無條件咁愛你身邊嘅人。

3 thoughts on “愛自己會變得自大、自戀,甚至自私嘛?”

    1. 如果自己有啲乜做得唔好嘅嘢發生,就面對唔到自己,逃避自己做錯嘅事,甚至原諒唔到自己、討厭自己嘅話,都已經唔係冇條件嘅愛。要自己做得好、做得啱,先會接受到自己嘅,就已經係有條件嘅愛。你認識幾多朋友係有條件咁愛自己吖?

Leave a Reply

Your email address will not be published. Required fields are marked *