有愛…… 嘅時間~

講完 The 5 Love Language (愛嘅5種語言) 嘅 Physical Touch (身體接觸) 同 Words of Affirmation (肯定字句) 之後,今次到 Quality Time (優質時間) 嘞。Quality Time 係指冇干擾嘅情況之下,同對方嘅相處時間。即係唔係睇梗電視、唔係聽梗收音機、唔係做梗家務、唔係攞住梗個電話,而係 Single Tasking 咁同對方做一啲嘢,尤其係佢地鍾意做嘅嘢。當你畀梗你生命裏面呢一刻、呢一秒嘅 100% 時間對方嘅時候,就係佢地足分感受到我地嘅愛嘅時候。

如果我地想同小朋友有Quality Time, 我地需要走入佢地嘅世界,因為佢地係走唔到入我地嘅世界。當佢地仲係好細個嘅時候,我地要走入佢地嘅世界,我地就要走落地下。我相信唔少家長都試過同小朋友响地下度玩,亦唔算得係乜難度。不過當小朋友到咗青少年階段,進入佢地世界嘅心理障礙就大得多。因為多數家長對青少年嘅新世界都有比較大嘅抗拒感。但如果我地想小朋友同我地一齊走過佢地嗰幾年嘅青少年階段,而唔係同其他你唔想嘅人過嘅話,走入佢地嘅世界可以話係需要嘅。

Gary 响佢個仔嘅青少年時期,會帶個仔去佢偶像嘅出身地區,同仔仔一齊了解佢偶像嘅歷史。Gary 話佢對仔仔嘅偶像一啲興趣都冇,佢唯一有興趣嘅只係…… 佢對仔仔嘅關係。雖然嗰次需要嘅車程係佢冇諗過咁遠,不過得到嘅係同仔仔相處嘅 Quality Time。

另外,講故事時間同同小朋友傾下計都係 Quality Time 嘅一種。傾計係由對話開始。例如當小朋友攞幅畫完嘅畫畀我地睇,我地讚完幅畫之後問:「你畫梗呢幅畫嘅時候諗梗乜咖?」或者「你畫梗呢幅畫嘅時候有乜感覺咖?」佢地多數會好樂意咁話畀我地知。而响佢地開始分享嘅一刻,先至係對話嘅開始。如果想真正了解小朋友,耐心聆聽係唯一嘅方法。點樣可以更有效咁聽到小朋友嘅心聲?可以參考下Stephen Covey 有效嘅深入聆聽方法

資料來源:Gary Chapman – The Five Love Languages of Your Children (21:00 – 28:50)

2 thoughts on “有愛…… 嘅時間~”

Leave a Reply

Your email address will not be published. Required fields are marked *