不如意事十嘗八九…………嘅原頭係乜?

點解唔開心嘅嘢總係响人生裏面黎得多、黎得深?係因為每當人嘅內心感受(或感覺)被抗拒、逃被或壓抑嘅時候,嗰樣感覺就會不停咁好似雪球一樣越滾越大。只有當我地深深咁去體會佢同了解佢嘅時候,先可以將個雪球慢慢溶化,甚至昇華成為自己嘅一部分。

可惜人嘅天性係會盡情去感受美好嘅感覺,同想盡辦法去逃避或壓抑所有嘅負面情感,而造成內心深處收埋咗一大堆嘅負面雪球,甚至經過長年累月不停咁繼續滾大。

而好多時當我地回故過去嘅時候,只會回故內心嘅(情感)雪球,因為人類不竟都係情感主道嘅動物。而响一般嘅情況之下,負面雪球多數都係內心嘅主要雪球 真係一啲都唔奇。所以人多數覺得人生中,苦比快樂黎得更多,黎得更深。

想內心嘅負面雪球停止變大,甚至減少?咁就需要啲決心同勇氣,去慢慢發掘同面對自己內心嘅雪球嘞。詳情同技巧會响日後同各位繼續分享。

資料來源:Get Out of your Mind & Into Your Life – Steven C. Hayes, PH.D.

5 thoughts on “不如意事十嘗八九…………嘅原頭係乜?”

    1. This is an excellent question. Is that a problem? 對每個人黎講都唔同。甚至對同一個人,响唔同嘅階段都可以有唔同嘅答案。有人會覺得苦…係苦中帶甘,更值得回味;有人覺得苦…只係一種痛苦,被之側吉。如果我地响呢度主要講嘅係心靈上、情感上嘅苦,唔係勞動或身體上受嘅苦嘅話,苦嘅感覺多與少,係一樣我地可以任由自己控制嘅嘢。坦白講,本人當然主張未雨綢繆。就算有人宜家覺得唔係問題,唔代表將來都唔會覺得係問題。身體同心靈其實好似,好多人平時會增強抵抗力去面對突如其來嘅病菌,但就好少人會不停鍛練自我心靈去面對人生裏面各種突發嘅逆境,呢點亦都係我最想讓大家可以做到嘅嘢~

Leave a Reply

Your email address will not be published. Required fields are marked *