想知道自己腦裏面有啲乜嘛?

Michael Phelps,世界頂級游泳健將,可以响一屆嘅奧運會裏面一次過攞到8個金牌。响佢本叫 No Limits 嘅書度講到,一個運動員嘅成功,9成係靠思維嘅訓練。而人生都係一樣,要成功,9成係base on (根據) 我地個腦裏面有啲乜。想睇下自己個腦裏面有啲乜嘛?

講到腦裏面有啲乜,就諗起Inside Out (反轉腦朋友) 呢套戲。裏面主要係講外界發生嘅嘢,Stimulation (刺激元素) 點樣引發我地嘅 Reaction (反應)。而如果我地再諗真啲,點解有時同一件事發生响唔同嘅人身上,唔同嘅人會有唔同嘅感覺同唔同嘅情緒反應嘅呢?秘密就係响 Stimulation 同 Reaction 中間,其實仲有一啲嘢。嗰啲係乜?

其實外界嘅Stimulation 同我地嘅 Reaction 中間仲有一層嘢,叫 Thoughts (思想),有人叫 The Voice (嗰把聲)。佢地全部都係我地個腦由自己嘅自動程式所產生出黎嘅。而自動程式點樣形成?係由我地一直以黎嘅成長經歷,所有嘅體驗、記憶等等所 Pre-program (預設程式化) 咗响我地個腦入面而形成嘅。包括有人曾經同你講過嘅嘢,甚至係你响電視或者電影裏面所聽過嘅對白、見過嘅情節等等。

由於係 Pre-program 咗嘅自動程式,所以响特定嘅 Stimulation 嘅發生,每個人都會有自己特定嘅 Thoughts 產生,而導致我地有特定嘅 Reaction。例子有:

外界 Stimulation:有人 Cut 我線

特定思想1 :睇小我?蝦我?
特定反應1:覺得好嬲,畀番啲顏色你睇~

特定思想2:佢好趕時間咁喎~
特定反應2:唉,讓下你嘞~

好多人都唔為意自己有中間呢層Thoughts,更加唔知佢係自動程式所產生出黎。所以好多人會話”佢咁咁咁咁,我就梗係咁咁咁咁啦!”。 而佢地講嘅嘢都幾真嘅,因為要特定思想1嘅人做特定反應2,又或者要特定思想2嘅人做特定反應1其實真係幾難。

不過我地唔係冇選擇嘅能力,我地嘅 Reaction 可以有千千萬萬個選擇。咁點樣先可以响自動程式 keep 住運行嘅同時,擁有番自己選擇嘅權利同能力?Michael 响書裏面又有啲乜建議?下次再同大家分享~

希望大家可以籍住了解自己嘅Thoughts多一啲,而可以再掌握到自己嘅人生多一啲,同過得開心啲~

Thank you very much Michael and Brian. Here is the link~~

3 thoughts on “想知道自己腦裏面有啲乜嘛?”

Leave a Reply

Your email address will not be published. Required fields are marked *