嚴父+慈父=幸福小寶貝

曾經有個小朋友因為腸胃問題入院,大慨係因為病因不明,所以佢爸爸搵咗著名嘅家庭專家 Gary Chapman ( The 5 Love Languages 嘅作者) 黎睇下佢。Gary 問個小朋友:「你同你爸爸嘅關係點咖?」小朋友答:「我從來冇令到佢滿意過~」。Gary 識得佢爸爸,亦好明白佢爸爸嘅用意都只不過係想教個小朋友樣樣嘢都要做得更好,做到最好。但小朋友收到嘅信息係 “爸爸唔滿意”、”冇一次滿意”。導致心靈嘅傷害大到直接影響健康。

點樣先可以教小朋友做得更好嘅同時,又可以唔傷害到佢地,佢地仲會感受到愛?答案係教小朋友嘅適合時間:佢攞90分返屋企嗰日,係讚佢同同佢慶祝嗰日。到幾日之後,佢响書枱前面之際,先再同佢 “一齊研究” 點樣可以由宜家嘅90分變成將來嘅95分。

可能有啲家長會覺得90分當然讚得落同慶祝得過啦,但係佢攞得嗰60分點讚吖?事實上,60分總比50分好,50分亦比40分好,如此類推。見到60分嗰時可以講:「好嘢~ 繼續維持到60分~」或者「都攞到50分喎~好嘢~」。幾日之後先再 (帶住興奮嘅心情) 同佢講:「我地不如一齊睇下有冇啲乜方法可以之後挑戰65分咯~」或者「不如我地一齊睇下有冇啲乜方法可以响55分進法咯~」

好明白所有家長都好希望小朋友可以一日成才。亦相信各位家長都明白,甚至體會過,乜叫 “欲速不達”。覺得小朋友有時好冇耐性?呢個係一個好好嘅機會嘞。身教”耐性”,比講千萬個道理,有效千百萬倍。何況小進步嘅成效比我地想像之中大得多。詳情可以睇睇 4%嘅威力

另外有個見意可以幫各位爸親大人容易啲投入以上極度體諒、包容同鼓勵嘅完美爸爸角色,就係……想老婆點樣體諒、包容同鼓勵自己,就係小朋友想爸爸媽媽點樣體諒、包容同鼓勵佢地嘞。哈哈~ (母親大人都啱用咖) 希望呢個角度幫到大家啦~

預早祝各爸親大人嘅小才子同小才女都感受到你地每日為佢地付出嘅愛。爸親節快樂~

資料來源:Gary Chapman – The Five Love Languages of Your Children (09:00 – 21:00)

One thought on “嚴父+慈父=幸福小寶貝”

Leave a Reply

Your email address will not be published. Required fields are marked *