Images

震騰騰…… 可以變成超興奮?

有冇試過好驚好緊張嘛?心跳加速?呼吸加快?手心濕晒?兼手都震埋?點樣叫自己放鬆同冷靜都冇用?之前提過嘅Power Pose又覺得好騎呢做唔出?仲有另外一個方法可以試下喎~

當我地緊張、甚至驚嘅時候,我地身體嘅各種反應都處於 High Arousal (高激勵) 嘅狀態。如果要冷靜落黎嘅話,就即係要由 High Arousal 嘅狀態變成 Low Arousal (低激勵) 嘅狀態。要响有壓力嘅環境裏面 短時間做到真係一啲都唔易,所以做唔到的確係好正常。 Continue reading 震騰騰…… 可以變成超興奮?

心魔……變朋友~

本身係癌症研究中心嘅研究員嘅Jonathan Bricker知道,要真正幫到食煙同癡肥人仕解決健康危機,就係幫佢地點樣去面對內心嘅心魔。

如果我地想戒煙或者戒口,一般嘅輔導方法都係叫我地唔好諗,同搵其他嘢令到自己分心。但好多時當我地越叫自己唔好諗,就越係係咁諗。換句話講,我地越係想逃離自己嘅心魔,心魔就越勁、越有Power (力量)。所以大部分食煙同想減肥嘅人都戒唔到心癮,其實真係一啲都唔奇~ Continue reading 心魔……變朋友~

我嘅 記憶小訓練~

我擁有失憶家族嘅基因,雖然我已經係屋企裏面失憶排名榜包尾嗰個。而講起細個要背書嗰時,真係…………唉~。不過真係超感激呢個世界有一樣嘢叫做…………理科!!因為佢我中學先可以畢到業咋。佢可以話救咗我嘅一生~

其實好幾年前已經聽過有記懂技巧之類嘅嘢,不過一直都冇扚起心肝去了解下,直至到我見到 Idriz Zogaj 嘅 TED Talk,先令我有茅塞頓開嘅感覺。所以我決定用我最弱嘅嘢黎練習,就係…記名!書名加作者名! Continue reading 我嘅 記憶小訓練~

擁有……更多時間~

廿一世紀,每個人每日嘅生活都係忙、忙、忙。”得閒” 呢兩個字經變成都市人嘅奢侈品。但偏偏想做、或者需要做嘅嘢就越黎越多?點樣先可以有更多嘅時間去做自己想做嘅嘢同鍾意做嘅嘢?今次會分享嘅答案係…………”多啲時間”嘅另一個角度…………”少嘅嘢做”!覺得可能?不如睇下Steven Covey講嘅第四代時間管理方法:Time Management Matrix (時間管理矩陣)。 Continue reading 擁有……更多時間~

潛能冇限………睇你點睇~

响 Isaiah Hankel 本 Black Hole Focus 裏面有個好驚人嘅實驗結果。佢地將一啲 (可憐嘅) 白老鼠放落一個永遠都游唔到理岸嘅迷你水池入面,直至佢地沉落水底. . . . . . . . . . . . 。結果發現佢地平均堅持到嘅時間係15分鐘。再將另一啲 (可憐嘅) 白老鼠放入迷你水池度游,而今次啲 (可憐嘅) 白老鼠可以响游咗冇幾耐嘅時候攞番上黎唞一唞,然後再放返落去游過。結果係,佢地今次可以游到嘅時間長達……… 60……… 個鐘。今次唔係我打錯字,真係60 “個”鐘。係前一班老鼠嘅240倍。 Continue reading 潛能冇限………睇你點睇~

5啖沙糖1啖屎~

Dr. John Gottman 到宜家已經有42年嘅時間,專注研究感情關係裏面嘅主要成功元素。佢所有嘅工作都唔係單憑經驗,而係憑數據。佢可以向自己個研究室裏面,單靠觀察一對情侶/夫婦嘅短時間相處,就可以知道佢地可唔可以過到人世。準確率高達91%以上。秘密係………5啖沙糖1啖屎~ Continue reading 5啖沙糖1啖屎~

我嘅 Good Bad Day~

之前連續9日完全冇出過街,9日裏面出到8個Post連圖,其實真係好開心。每日都盡量12點前瞓,好多時都可以8點前自然醒。要維持到夠精神先可以發揮到高效率嘅製作產量 。因為過程包括:搵主題、搜集資料、mark notes、翻譯、分析、起草稿、邊打入電腦邊改,然後構圖起畫稿、畫入電腦、Check多次錯別字,再放上網,盡量都想趕得切一日一篇。 Continue reading 我嘅 Good Bad Day~