心魔……變朋友~

本身係癌症研究中心嘅研究員嘅Jonathan Bricker知道,要真正幫到食煙同癡肥人仕解決健康危機,就係幫佢地點樣去面對內心嘅心魔。

如果我地想戒煙或者戒口,一般嘅輔導方法都係叫我地唔好諗,同搵其他嘢令到自己分心。但好多時當我地越叫自己唔好諗,就越係係咁諗。換句話講,我地越係想逃離自己嘅心魔,心魔就越勁、越有Power (力量)。所以大部分食煙同想減肥嘅人都戒唔到心癮,其實真係一啲都唔奇~

ACT(Acceptance & Commitment Therapy)呢個較新嘅臨床心理學治療法嘅慨念就啱啱相反。佢係用意願選擇接受嘅角度去面對我地嘅心魔。除咗臨床心理學界之外,ACT已經被廣泛應用到去 點樣提高員工嘅工作表現、點樣舒緩壓力等等。 Johnson自己都有數據指出用ACT嘅戒心癮成功率,係一般輔導治療嘅兩倍。方法係點?

1. 察覺心魔/心引嘅存在:
經過察覺欲望浮起嗰一刻,去幫我地意識到自己擁有梗嘅思想。因為我地日常生活裏面絕大部份都係由自動模式所運行,亦都叫 Autopilot (自動領航) 。

2. 練習 “我有個諗法……” 嘅思維訓練:
將每一句嘅前面加多 “我有個諗法……” 呢幾個字上去,可以幫我地同自己嘅思想抽離開少少,從而可以減弱我地嘅自動模式帶畀我地嘅影響力。再勁啲可以將句嘢加長到 “我察覺到…我有個諗法……” 。如果用番Jonathan嘅曲奇例子,就會好似以下咁:

“我好想食嗰啲曲奇”
↪️ “我有個諗法……我好想食嗰啲曲奇”
↪️ “我察覺到…我有個諗法……我好想食嗰啲曲奇”

3. 用愛去關懷自己:
飾演一個好善解人意嘅人,去體諒同關懷自己嘅處境同感受,可以令你放低對自己嘅不滿同批評。嗰啲全部都係助大心魔嘅主要食糧。因為當我地自我價值低嘅時候,就會增強尋求即時快感嘅欲望,去減低自我價值低微所帶黎嘅內在傷害同痛苦。呢個亦都係自動運行模式嘅一種。

4. 接受心魔嘅存在:
接受自己嘅欲望,唔好批評佢係好定唔好。由佢响到,唔對佢做任何嘢,靜靜咁同佢共處。因為其實你橫掂點都趕佢唔走咖嘞。

最後Johnathan用咗其中一個ACT裏面最典型嘅比喻,就係同心魔扯大纜。簡單黎講,如果你次次响心魔出現嘅時候,你都同佢玩扯大纜嘅話,你多數會輸,因為人嘅意志力係好有限。所以不如試下放低你手上面嗰條大纜吖~

如果我地用愛同關懷去對待自己嘅內心,你就會發現,其實心魔一啲都唔可怕,有時甚至仲幾可愛添。希望大家一日比一日再關懷自己嘅內心多一啲~~

真係好開心見到Jonathan生動兼實用咁响TED Talk (The secret of self control) 分享ACT呢個咁重要嘅臨床心理學慨念。响 Hello My Mind 度將會同大學分享更多。Thank you very much Jonathan Bricker and TED. Here is the link~~

One thought on “心魔……變朋友~”

Leave a Reply

Your email address will not be published. Required fields are marked *